成熟，喺唔喺一定要放弃自我？

成熟，喺唔喺一定要放弃自我？ 你觉得点样先叫成熟？近期发生咗一件事，我嘅顶头上司问咗我一个咁样嘅问题，每个人对成熟嘅定义可能都唔一样，我当时嘅回答就系话可以为自己讲过嘅说话去负责，呢啲就叫成熟。 佢话管住自己把嘴，唔好将心入边谂嘅所有嘢全部对晒人哋讲，呢啲叫成熟，喺佢嘅角度佢觉得成熟系好多嘢，你想做，谂***后果，你唔做啦，好多说话你想讲，考虑***影响，你唔讲啦，忍住忍住，慢慢你就开始言不由衷，开始官腔，开始冇咗情感嘅表达，啲系佢讲嘅所谓成熟。 佢话佢以前比我更加敢于发言，敢于去分享，佢话嚟***呢间公司佢渐渐开始唔再咁表达自己。佢话，当你足够唔简单嘅时候，你先可以简单做人，呢个社会人鬼混杂，真假难辨，学识收声喺一种自我保护嘅成长。 件事系点样发生嘅咧，话说有一日我哋开经理会议，因为今个月我哋成个区做得好差，系差***史无前例嗰只，咁成个部门咧，系有一支*********m做得好好嘅，我喺会议上就搦两个案例作为分享，其中一个就系佢啲组员有60%星期六会自愿翻嚟加班，而另外一个*********m咧系强制性加班嘅，咁强制性加班嗰个*********m咧，就好多人好反对，有抵抗嘅情绪，甚至有人已经提出离职。 我就问佢嗰个做得好嘅佢系点样做***嘅咧，我有成日过去佢嗰度行，我睇佢做紧啲乜嘢我都有做，但系点解我硬系觉得同佢做出嚟嘅效果系唔一样。 佢话你唔需要睇佢做啲乜嘢，其实你系知道佢点解可以做***咁样，佢系一个好识得收买人心嘅人，所以佢啲人对团队系有好强嘅归属感，当个团队业绩差嘅时候，佢哋会一致向外翻嚟加班去为自己团队出去一分力，而另外一个系冇嘅，咁佢只能够用强硬嘅手段强制人哋翻嚟加班。 我就分享咗一个点，我想知个答案，然之后有一个二五仔将件事同嗰个做得差嘅经理讲咗，同佢讲话我喺会议上边攞佢出嚟做案例。 咁件事情我哋区长喺帮我解决咗嘅，即系同佢解释咗成件事嘅来龙去脉。 所以佢先同我讲，佢话唔好随便去分享我自己嘅观点或者谂法，唔好讲咁多八卦，我喺间公司人缘比较好，所以有好多人会同我讲好多观点同埋谂法，喺好多人眼中可能觉得我系吃瓜嘅行为系听八卦嘅行为，但系我从来都冇当佢系八卦，我当系对个公司系对个制度系对个现象嘅观察。 我永远觉得喺人哋身上去睇一啲嘢，再反思自己身上有冇存在咁嘅问题，呢种系自我矫正最低成本嘅手段。 你要反省自己，如果你每日反省自己，净系从自己身上去谂我今日有冇做错啲乜嘢，系好难嘅，如果你觉得错，你大部分嘅时候都唔会去做嗰件事，你系唔觉得自己有错噶嘛，大部分时间，所以你话自我反省点样反省啊，好难嘅，但系如果你系从人哋嘅行为当中，通过自己嘅感受，再反省翻自己有冇做过啲咁嘅嘢系会相对容易啲嘅。 所以我从来唔会觉得我系中意吃瓜，中意八卦嘅人，你见***好多明星嗰啲所谓嘅瓜，我都唔会点落去睇，我都唔会关注，因为嗰啲嘢离我太远啦，嗰啲真系纯粹系吃瓜，对于我嚟讲系冇产生任何价值嘅，但系公司啲所谓嘅基层管理层，任何人员佢嘅所谓对公司嘅睇法，对团队嘅睇法，呢啲嘢系有借鉴嘅作用嘅，所以我唔当呢啲系一个八卦或者系一个瓜。 分享先能够成长，呢个系我一贯秉持嘅观点，我亦都好感恩可以喺呢个时代去遇***自媒体平台，可以有一个属于自己随意分享嘅平台，我好明显系一个分享欲几强嘅人，如果唔系嘅话，我唔会喺几乎冇任何物质回报嘅情况底下坚持电台做咗成七年咁长。 分享除咗可以令彼此成长，仲有另一个好重要嘅作用，就可以拉近彼此嘅距离。嗰个二五仔系喺我哋个区入面俾我哋排挤嘅，因为佢之前已经出卖过区长几次，我哋系有另外一个群系冇佢嘅，有一啲饭局系唔会带佢嘅，后屘佢濑咗嘢，佢想埋堆重新翻翻嚟，经过一段时间我先接纳翻佢，我以为个人会改变，原来唔系嘅，狗，系改变唔***食屎嘅，佢始终都系个二五仔，佢喺我哋会议上边听***嘅嘢始终会对人哋去讲，而且嗰啲人嚟通常都系我哋对立面嘅人。 真诚系唯一必杀技，但系你唔可以对啲扑街嚟表露你嘅真诚，我当时好气愤啊，我好想将公司呢啲对立面嘅人全部拉黑，唔俾佢哋睇我朋友圈，甚至见***面都唔会同佢打招呼，后尾我慢慢一谂，好似唔应该咁样做。 如果我认为我冇做错，点解我因为人哋嘅睇法而去改变自己咧，明明我系做一件啱嘅事，点解因为错嘅人一啲错误嘅反馈，令我放弃原本做啱嘅事咧，我意识***呢个系一个错误嘅谂法同埋行为。 我去分享件事情冇错，所以我唔应该收埋我自己，我只系分享俾错误嘅人，既然我知道个人系错嘅，咁以后我就唔喺佢面前分享就OK啦。 我以前成日觉得如果我冇做错，我系唔需要改嘅，我亦都唔怕去得罪人，只要我觉得我自己冇错。 但系慢慢你会知道有啲嘢，如果你坚持你系会持续被伤害嘅，佢已经反馈俾你，有啲嘢你系需要调整，如果你咁都唔去调，咁就注定下一次仲会受***咁样嘅伤害。 曾经有人同我讲，火箭发******月球，开始定嘅嗰个点嘅准确率有几多，我话应该有60%吧，佢话错，只有3%，有97%都系通过慢慢移动，慢慢去调嘅，系咯，你嘅目的，你个方向冇错，你可以唔需要改，但系你一定要调，微调系人生最大嘅一种作用同埋能力，用广东话讲系叫执生。 世界会变，时间都会变，天黑，你应该打灯，落雨，你应该担遮，呢啲就叫执生。 区长想同我讲当你足够强大，你成为狮子，你就唔需要怕人哋，你就可以随便去发表你自己想讲嘅嘢。其实个观点又啱唔晒，因为即使你做***狮子，可能你会惊猎狗，做***总监，佢都好惊啲下属会离职，嗰啲千万粉丝嘅网红，过亿嘅身家，佢依然都会对住镜头讲一啲言不由衷嘅嘢，做一啲小丑嘅行为去取悦佢嘅屌丝金主。 个世界冇话任何一个人可以做***高高在上，完全唔理人哋嘅感受。 正所谓求于人者畏于人，唔理乜嘢人，你只要有求于人，你就会惊佢。人无求，品自高，一个人可以做***处世无求于人，自然就会无惧于人。 啱啱讲***我哋身边一定会存在呢啲垃圾人，二五仔，我哋好多时候遇***呢啲人，都会嬲佢去怨恨佢，但系你要记住喎，利出者实及，你有利益俾人哋嘅话，实际嘅好处会翻翻嚟你身上，呢个系因果问题，就好似鬼灭最新嘅嗰个动漫咁，佢入面都讲***：你帮人，***最后你发现你帮紧嘅系你自己，所以你俾利益人哋都系为咗自己嘅利益。怨往者害来。你***处睇唔起人埋怨，人人哋都睇唔起你讨厌你，所以***最后个报应都会翻翻喺你身上。 所以你唔需要因为路过俾一只恶犬去吠过你，你就对只恶犬耿耿于怀，行过路过都攞石去抌佢，去歧视佢，去嬲佢，冇必要，你可以绕道行，你可以忽视佢，你唔需要去亲近佢，改变佢，你只需要远离佢，疏远佢就OK啦，你唔好俾佢影响你嘅情绪。 最后我想讲嘅系成熟，唔系要你放弃原生嘅自我，而系当你慢慢变强嘅时候，可以为你嘅行为负责，我觉得呢个就系真正嘅成熟，就好似我讲嘅嗰啲说话，如果俾啲有心嘅人去做一啲错误嘅传播，其实我都唔惊，因为我无求于佢哋，我可以为我自己嘅工作负责，我可以为我嘅说话负责，如果佢要对质，我可以俾***佢想要嘅答案佢，如果佢要憎恨我，我亦都无惧于佢。 不要因为别人的错，而惩罚自己；更别因为错误的人，而改变自己。 关注我公 众号：发噏fung，可以加我私人号，仲可以更新第一时间收听，所谓百利而无一害，哈哈哈