为什么前辈的路走得一塌糊涂，还要后辈走一样的路

为什么前辈的路走得一塌糊涂，还要后辈走一样的路 点解前辈嘅路行得一塌糊涂，仲要后辈去行啊，其实好多时候咧，人生去到每一个阶段，你谂嘅嘢或者你考虑嘅嘢系唔一样嘅。 我哋嘅父母大部分都系一个普普通通嘅平民，有做过流水线，又要做一啲苦力工，或者做一啲纯粹卖力嘅工作，我唔知你哋嘅父母系点样，我自己嘅父母，佢哋都系做一啲冇咩创造性嘅工作，佢知道呢啲工作一定唔会有咩大嘅作为，唔会赚到咩大钱，亦都唔会改变到家族嘅命运，但系点解佢仲会叫你去做咧。 全世界都知道父母一定系为你好嘅，亦都系唯一一个希望你过得比佢更好嘅人，除咗你父母系冇任何人希望你过得比佢好，点解一个咁样嘅角色，咁样嘅人会希望你行一条佢行过旧路咧，点解咧。 有冇可能系因为佢嘅经历、佢嘅出生，佢嘅学历、佢见识，只能够俾到佢咁样嘅人生、咁样嘅选择，喺佢行过咁多路当中，可能你睇唔起佢嗰条路，所谓嘅厂工，所谓嘅流水线，对于佢嚟讲，已经系佢做过最好嘅工作，即系有保障嘅工作。 我们每日坐喺办公室，吹住空调，打下电话就可以攞份粮，你点会谂到一个五六十岁嘅老妇人，佢为咗一份，一日得个六七十蚊嘅工，要同人哋争嚟做，上八个钟，喺田里，坊间系咁样穿梭，做到成只积咁，30几度嘅高温，为咗一日八个钟，六七十蚊嘅工资，佢哋都要争住嚟做。 对于佢嚟讲，一份工厂流水线嘅工作，有瓦遮头、有风扇，有空调，包食包住，可能仲有社保公积金，一个唔觉意厂入边嘅人又多，仲可以识埋一个女仔，可以顺利咁样结婚，呢个选择对于佢嚟讲，系咪一个已经好好嘅条件啊？ 你如果勤力啲，加埋班，一个月可能有五六千蚊嘅工资，五六千蚊嘅工资，对于佢嚟讲，可能已经系佢做过最高工资嘅工作。 你同佢讲你有更高嘅理想，更远嘅抱负，佢理解唔到，佢理解唔到你每一年都系同佢讲需要学嘢，所以要积累，时间喺度流逝，你都逐渐随年渐长，都唔同嘅年纪，个社会会对于你有唔同嘅角色定义，可能你到咗卅岁你就要应该点样，喺大众眼中你系应该咁样，而喺你父母眼中佢觉得个世界就系咁样，佢做咗五六十年人，佢见识嘅，佢自己经历过嘅都系咁样，所以佢觉得你都应该咁样。 佢想唔想你过得更好啊，佢梗系想啦，佢可唔可以帮到你啲乜嘢啊，能力有限，爱莫能助系父母最大嘅痛，你谂下我哋读书嘅时候，父母系好困难咁样储到钱，令到你去读高中，读大学，佢哋有冇一句怨言啊，系冇噶，佢哋可以做到嘅，亦都只能够系咁样。 好多时候我哋觉得你为我好，但系你劝我嘅建议我嘅又未必真系适合我，可能会觉得父母好烦，觉得佢哋好盲塞，或者呢种烦系一种紧张，系一种爱嘅表现，呢种盲塞可能系因为佢呢世人经历嘅嘢，佢嘅见识，佢嘅学识，注定佢只能够睇到咁样嘅世界。 我哋大多数嘅父母婚姻都系麻麻哋，甚至都有好多系单亲家庭，但系佢依然建议你搵个人去结婚，如果搵唔到合适嘅，随便搵个都好，佢知唔知道随便搵个嘅后果系点样？佢知，佢更加清楚到咗年纪大嘅时候，或者你有咩病痛，身边冇人照顾你嗰种更加痛。 你二卅岁人出个远门，佢仲担心你，佢年迈啦，佢照顾唔到你，佢帮唔到你，佢希望有一个人可以照顾你帮到你，嗰个人未必咁容易搵，但系起码先有一个人先。 侥幸心理系大部分父母对于子女婚姻嘅寄托嚟嘅，我哋知道大部分嘅婚姻同埋感情都未必系咁幸福美满，但系点解仲有咁多人去结婚？就好似六合彩咁，中嘅人寥寥无几，点解仲有咁多人买？侥幸心理，又或者对于未来嘅一种盼望，你冇咗份盼望，你所谓嘅人间清醒，活着系一种痛苦。 我头先讲到每个人佢每个阶段佢经历嘅嘢，决定佢思考同埋考虑嘅嘢，我哋个年纪可能冇办法完全明白父母系谂紧啲乜嘢，但系通过佢哋嘅人生经历，通过我哋对于佢嘅了解，对于个社会发展嘅了解，大概可以知道系佢对我哋一个大嘅期望或者叫愿望。 如果你家中嘅父母每日对你吟吟沉沉，佢建议你一啲你唔认可嘅人生选择，你唔需要反驳佢，唔需要同佢发生争执，好多时候我知道咁样同你讲，叫你去理解佢，包容佢，说服佢系好难，但系个世界上有冇人做到咧，同你讲紧嘢嘅呢个人都叫做到啲嘅。 我妈咪开始时候一路建议我去做厂工，我冇认可佢，佢亦都冇好强烈咁样要求，佢只系建议，因为佢知道做厂工系唔会有咩大嘅出息嘅，佢只不过见到我每年赚唔到钱，佢先咁样建议。 但系当我有足够嘅坚持嘅时候，佢会向我妥协，呢啲就系母爱，当我喺事业上边有所成就佢会好骄傲，我赚几多钱其实唔重要噶，最重要嘅系佢见到我拣咗一条佢冇行过嘅路，我行咗一条我认为啱嘅路，我喺条路上边收获咗我嘅人生、我嘅风景，佢戥我高兴。 所以，如果你觉得你嘅父母行过一条路系好不堪，佢仲叫你行，可能问题喺你嗰度，唔一定喺你个父母嗰度，如果你有能力可以行一条更好嘅路，佢睇得到，佢会支持你，但系如果你当下行嘅路还不如佢哋行嘅嗰条路，佢会建议你行一条相对而家嚟讲会好啲嘅路。 爱莫能助系父母对子女最大嘅痛，同时爱莫能助，都系子女对父母最大嘅痛。 武装自己，令自己变得更强，系改善任何关系嘅前提必要条件，今日讲到度，下次再见。